Valtteri Bottas Əbu Dabi Qran Prisinin qalibi oldu - FOTOLAR

26 Noyabr 2017 18:58 | 6 499

2017 Formula 1 dünya çempionatının son yarışı olan Əbu Dabi Qran Prisinin qalibi müəyyənləşib. SİA-nın yarışa ezam olunmuş əməkdaşının verdiyi məlumata görə, Qran Prini “Mercedes”in pilotu Valtteri Bottas (1:34:14.062) birinci yerdə başa vurub. Onun komanda yoldaşı, 2017 Formula 1 dünya çempionatının qalibi Lyuis Həmilton (1:34:17.961) ikinci , “Ferrari”nin sürücüsü Sebastyan Fettel (1:34:33.392) isə üçüncü olub.

S.Fettelin komanda yoldaşı Kimi Rəykkönen (1:34:59.448) Daniel Rikkardo (“Red Bull”) yarışdan kənarda qalandan sonra dördüncü olmağı bacarıb. Maks Ferstappen (“Red Bull” - 1:35:00.331) K.Rəykköneni keçməyə çalışsa da, məqsədinə nail ola bilməyib və beşinciliklə kifayətlənib.

Qeyd edək ki, V. Bottas bu mövsüm üçüncü dəfədir ki, qalibiyyət sevinci yaşayır.

Onu da nəzərinizə çatdıraq ki, yarış zamanı iki pilot mübarizəni erkən dayandırıb. “Renault”un sürücüsü Karlos Saynsın pitə gec getməsinin ardından yarışı 9-cu sırada tamamlayacağına ümid olsa da, sol ön təkərin yerinə bərkidilə bilməməsi səbəbindən o, yarışla erkən vidalaşıb.

“Red Bull”un pilotu Daniel Rikkardo isə baş verən hidravlik problemə görə dördüncü sırada olarkən yarışdan kənarda qalıb.

Elgün Vidadioğlu

Əbu Dabi

Əbu Dabi Qran Prisinin nəticələrini nəzərinizə çatdırırıq:

	Pilot	Komanda	Fərq	Xal
01	V. Bottas	Mercedes	55 tur	25
02	L. Hamilton	Mercedes	+3.8	18
03	S. Vettel	Ferrari	+19.3	15
04	K. Räikkönen	Ferrari	+45.3	12
05	M. Verstappen	Red Bull	+46.2	10
06	N. Hülkenberg	Renault	+85.7	8
07	S. Pérez	Force India	+92.0	6
08	E. Ocon	Force India	+98.9	4
09	F. Alonso	McLaren	+ 1 tur	2
10	F. Massa	Williams	+ 1 tur	1
11	R. Grosjean	Haas	+ 1 tur
12	S. Vandoorne	McLaren	+ 1 tur
13	K. Magnussen	Haas	+ 1 tur
14	P. Wehrlein	Sauber	+ 1 tur
15	B. Hartley	Toro Rosso	+ 1 tur
16	P. Gasly	Toro Rosso	+ 1 tur
17	M. Ericsson	Sauber	+ 1 tur
18	L. Stroll	Williams	+ 1 tur
	C. Sainz	Renault	Yarış dışı
	D. Ricciardo	Red Bull	Yarış dışı