"Barselona"nın futbolçusu Arda Turan karyerasını "Qalatasaray"da davam etdirə bilər. SİA-nın məlumatına görə, "cim bom" Kataloniya təmsilçisində heyətə düşə bilməyən və özünü xoşbəxt hiss etməyən təcrübəli yarımmüdafiəçini heyətinə cəlb etmək üçün fəaliyyətə başlayıb. Türkiyə millisinin kapitanının transferi ilə bağlı "Barselona" ilə razılıq əldə edilib.
Razılaşmaya əsasən Arda 1,5 il müddətində icarə əsasında "Qalatasaray"da çıxış edəcək. İcarə müddəti başa çatdıqdan sonra İstanbul nəhəngi futbolçunu birdəfəlik transfer etmək hüququna da malik olacaq.
Qeyd edək ki, "Qalatasaray"ın yetirməsi olan Arda 2004-2011-ci illərdə "sarı-qırmızılar"ın şərəfini qoruyub. Daha sonra Madrid "Atletiko"suna transfer olan 30 yaşlı yarımmüdafiəçi, 2015-ci ildən "Barselona"da çıxış edir.
Bütün xəbərlər Facebook səhifəmizdə
USD
EUR
GBP
RUB