"Qarabağ"ın yarımmüdafiəçisi Pedro Enrike açıqlama verib. SİA-nın məlumatına görə, braziliyalı futbolçu Çempionlar Liqasının qrup mərhələsində səfərdə "Atletiko"ya qarşı keçirdikləri oyundan (1:1) danışıb: "Bu həftə mənim üçün çətin keçdi. Zədədən yeni qayıtmışam. "Atletiko" ilə oyunun nəticəsinə görə çox sevinirəm. Böyük uğurdur. Bizi qalib də saya bilərsiniz. İlk hissədə biz gözəl çıxış etdik".
59-cu dəqiqədə qırmızı vərəqə alaraq meydandan qovulan braziliyalı futbolçu hakimin sərt qərar verdiyini dilə gətirib: "Qırmızı vərəqə alaraq komandamı azlıqda qoyduğum üçün kədərliyəm. Hakim çox sərt qərar verdi. Hakimin idarəçiliyi haqda danışmağı xoşlamıram. Hamı səhv edə bilər. Düşünürəm ki, qırmızı vərəqəyə layiq deyildim".
Bütün xəbərlər Facebook səhifəmizdə
USD
EUR
GBP
RUB