2017-ci ilin Formula 1 çempionatının 17-ci yarışı olan ABŞ Qran-Prisi başa çatdı. SİA-nın məlumatına görə, Qran-Prinin qalibi çempionatın lideri “Mercedes” komandasının pilotu Lyuis Həmilton oldu. “Mercedes”, həm də Mühəndislər Kubokunda ardıcıl 4-cü çempionluğunu da rəsmiləşdirdi.
ABŞ Qran-Prisinin startında L.Həmilton yerini itirməsinə baxmayaraq, yarış əsnasında yenidən liderliyə yüksəldi və damalı bayrağa qədər yerini qorudu. Adıçəkilən pilot bununla bu ilki 9-cu, karyerasındakı 62-ci zəfərinə nail oldu.
Yarışın əvvəlində L.Həmiltonu keçərək lider olan “Ferrari”nin pilotu Sebastyan Fettel ondan sürətli olan “Mercedes”in sürücüsünün qarşısında çox müqavimət göstərə bilmədi və geri qaldı. Qran-Prinin sonlarında təkər problemi yaşayan S.Fettel 2-ci dəfə pitə girməsinin ardından 1 dəfə “pit stop” edən “Mercedes”in digər pilotu Valtteri Bottas və komanda yoldaşı Kimi Rəykköneni keçərək 2-ci oldu.
Yarışın sonlarında Fettel kimi 2 “pit stop” edən “Red Bull”un pilotu Maks Ferstappen, K.Rəykköneni keçərək 3-cü olmasına baxmayaraq, 5 sıra cəzası alaraq 3-cülüyü Rəykkönenə verdi. Beləliklə, fəxri kürsüyə çıxan 3-cü pilot “Ferrari”nin digər sürücüsü K. Rəykkönen oldu. Ferstappen isə 16-cı sıradan başladığı yarışı 4-cü yerdə bitirdi.
Qran-Prinin böyük hissəsində 3-cü sırada olan V.Bottas təkər probleminə görə yerini qoruya bilmədi və mübarizəni 5-ci sırada tamamladı.
İlk 5-likdə qərarlaşan pilotlardan sonra onluqda “Force İndia” komandasının sürücüsü Esteban Okon (6-cı yer), “Renault”da ilk çıxışını edən Karlos Sayns (7-ci yer), “Force İndia”nın digər pilotu Serxio Peres (8-ci yer), “Williams”ın sürücüsü Felipe Massa (9-cu yer) və “Toro Rosso”nun pilotu Daniil Kvayt (10-cu yer) yer aldılar.
ABŞ-da yarışı müxtəlif səbəblərdən bitirə bilməyənlər isə Fernando Alonso (“McLaren”), Daniel Rikkardo (“Red Bull”), Paskal Verlyayn (“Sauber”) və Niko Hülkenberq (“Renault”) oldular.
Bu yarışdan sonra L.Həmilton xallarının sayını 331-ə, S.Fettellə xal fərqini isə 66-ya çatdırdı. “Mercedes” komandası 575 xala sahib olaraq son 3 yarış öncəsi Mühəndislər Kubokunda ardıcıl 4-cü çempionluğunu elan etdi. Bu komandanın “Ferrari” ilə 147 xal fərqi yarandı.
Qeyd edək ki, mövsümün 18-ci yarışı Meksikada gələn həftəsonu (Oktyabrın 29-da) keçiriləcək.
ABŞ Qran-Prisinin nəticələri:
| Pilot | Komanda | Fərq | Xal | |
|---|---|---|---|---|
| 01 |  L. Hamilton |
 Mercedes |
56 tur | 25 |
| 02 |  S. Vettel |
 Ferrari |
+ 10.1 | 18 |
| 03 |  K. Räikkönen |
Ferrari |
+ 15.7 | 15 |
| 04 |  M. Verstappen |
 Red Bull |
+ 16.7 | 12 |
| 05 |  V. Bottas |
Mercedes |
+ 34.9 | 10 |
| 06 |  E. Ocon |
 Force India |
+ 90.8 | 8 |
| 07 |  C. Sainz |
 Renault |
+ 92.2 | 6 |
| 08 |  S. Pérez |
Force India |
+ 1 tur | 4 |
| 09 |  F. Massa |
 Williams |
+ 1 tur | 2 |
| 10 |  D. Kvyat |
 Toro Rosso |
+ 1 tur | 1 |
| 11 |  L. Stroll |
Williams |
+ 1 tur | |
| 12 |  R. Grosjean |
 Haas |
+ 1 tur | |
| 13 |  S. Vandoorne |
 McLaren |
+ 1 tur | |
| 14 |  B. Hartley |
Toro Rosso |
+ 1 tur | |
| 15 |  M. Ericsson |
 Sauber |
+ 1 tur | |
| 16 |  K. Magnussen |
Haas |
+ 1 tur | |
| F. Alonso |
McLaren |
Yarış dışı | ||
 D. Ricciardo |
Red Bull |
Yarış dışı | ||
| P. Wehrlein |
Sauber |
Yarış dışı | ||
 N. Hülkenberg |
Renault |
Yarış dışı |
Bütün xəbərlər Facebook səhifəmizdə
USD
EUR
GBP
RUB