Otüstü hokkey üzrə IX Azərbaycan çempionatında növbəti turun oyunları keçirilib. Azərbaycan Otüstü Hokkey Federasiyasının mətbuat xidmətindən SİA-ya verilən məlumata əsasən, yüksək dəstədə çıxış edən kişi komandalarının mübarizəsində ötən ilki çempion - "Atasport"la gümüş mükafatçı "Akkord"un qarşılaşması prinsipial əhəmiyyət kəsb edirdi. Çempionun qələbəsi qarşıdakı turların daha da maraqlı keçəcəyinə şərait yaradacaqdı. Çünki rəqiblər arasındakı xal fərqi 3-ə enəcəkdi. Bu fərqi isə qarşıdakı 3 turda aradan götürmək o qədər də çətin deyildi. Amma hər şey gözlənilənlərin əksinə oldu. "Atasport" oyunun 18-ci dəqiqəsinə qədər 2:0 hesabı ilə irəli çıxsa da yekunda 2:3 hesabı ilə uduzaraq demək olar ki, qızıl medallardan əlini üzdü."Akkord" çempionluğu artıq heç kimdə şübhə yaratmır. Bu adın rəsmləşdirilməsi üçün baş məşqçi Feyzulla Rəhimbəyovun yetirmələrinə qalan 3 görüşdən cəmi bir xal götürmək kifayətdir. Yüksək dəstədə digər oyunda gözlənildiyi kimi "Şahdağ" "Gənclik" komandasını məğlubiyyətə uğradıb. Birinci dəstədə yarışan kişi komandalarının yarışında da 9-cu tura yekun vurulub. Nizami RİOEUGİM-nin hokkeyçiləri "Kür"ün qapısından 4 cavabsız top keçirib. "Göytəpə""Gəncə" ilə oyuna gəlmədiyinə görə texniki məğlubiyyət alıb.
Qadınların birinciliyində paytaxt təmsilçiləri rəqiblərindən güclü olduqlarını sübuta yetiriblər. "Bakı" "Sumqayıt"a, Nizami RİOEUGİM "Şahdağ"a, "Atasport -2" isə "Xəzər"ə qalib gəlib.
İkinci dəstədə mübarizə aparan kişi komandaları da iki oyunda qarşılaşıblar. "Təhsil"(Sumqayıt) "Xəzər"i məğlub edib. "Astara" – "Şəki" matçında heç- heçə qeydə alınıb.
Turun statistikası:
Yüksək dəstə
"Atasport (Bakı) – "Akkord" (Bakı) – 2:3
Qollar: Vitali Çequrko 8, Zöhrab Əlmirzəyev 18("Atasport"), Saleh Balamiyev 20,49, Ramin Mayılov 27("Akkord").
"Şahdağ"(Qusar) – "Gənclik" (Sumqayıt) – 4:1
Qollar: Vüqar Dərvişov 10,41,Yalçın Qayıbov 18, Baba Səfərov 63("Şahdağ"), Kənan Şirinov 64pen.("Gənclik"). Bombardir: Saleh Balamiyev ("Akkord") 25 qol
Birinci dəstə
Nizami RİOEUGİM – "Kür" (Mingəçevir) - 4:0
"Göytəpə" (Cəlilabad) – "Gəncə" -:+ 0:5
Qadınlar
"Bakı"–"Sumqayıt"– 4:1
Qollar: Ceyhunə Məhərrəmova 14,Amaliya Həsənova 45,56, Olqa Ozeranskaya 47 ("Bakı"), Günay Əliyeva 48.
"Şahdağ"(Qusar) – Nizami RİOEUGİM – 0:7
Qollar: Nurlanə Mövsümova 9,22, 33, Emilya Həsənova 23,29, Xalidə Zeynalova 27, Fatma Orucova 55
"Xəzər"(Lənkəran) – "Atasport-2" (Bakı) 0:5
Qollar: Fəridə Məmmədova 7,12,31, Zümrüd Məmmədova 23, Yekaterina Semyonova 51.
Bombardir: Nəsibə Safayeva (Nizami RİOEUGİM) - 21 qol
İkinci dəstə
"Astara" - "Şəki" - 1:1
"Xəzər" (Lənkəran) - "Təhsil" (Sumqayıt) - 3:4
Bütün xəbərlər Facebook səhifəmizdə
USD
EUR
GBP
RUB