DÇ-2018-in seçmə mərhələsi çərçivəsində Almaniya ilə qarşılaşan millimiz 5:1 hesablı məğlubiyyətə üzülüb. SİA-nın məlumatına görə, matçdan sonra komandamızın üzvü Əfran İsmayılov jurnalistlərin suallarını cavablandırıb.
- Oyunla bağlı nə demək olar?
- Bacardığımız qədər vuruşduq, çalışdıq ki, yaxşı oynayaq. İlk hissə də 1:1 bitdi. Ancaq biz Çexiya ilə oyunda yorulmuşduq, almanlar isə tamamilə yeni oyunçularla çıxmışdılar. Ona görə də gücləri sona qədər çatdı və lazımi qolları vura bildilər.
- Amma ilk hissədə yaxşı oynayırdıq...
- Bütün gücümüzü qoymuşduq. Tədricən isə itirməyə başladıq və uduzduq. Deyərdim ki, gücümüzü düz bölmədik.
- Beş qolun qarşısında 1 qol müsbət amildir, yoxsa diqqət çəkmir?
- Heç ən güclü komandalar da almanlara qol vura bilmirlər. Əlbəttə ki, müsbət məqamdır.
- Ramilin qol vurmağı “Qarabağ” və gələcəkdə milli üçün xeyirli olacaq?
- Ramil istədiyini elədi, hücumçudu, işi qol vurmaqdı. Gec-tez fərqlənəcəkdi. İnanıram ki, davamı gələcək.
- Seçmə mərhələ başa çatdı...
- Maraqlı tsikl oldu. Deyərdim ki, bizim üçün qırılma nöqtəsi Şimali İrlandiya ilə oyun oldu. Orda biz çox şey itirdik. Sonra toparlana bilmədik.
Bütün xəbərlər Facebook səhifəmizdə
USD
EUR
GBP
RUB