Türkiyə millisinin sabiq baş məşqçisi Fatih Terim Türkiyə Futbol Federasiyasından (TFF) təzminat tələb edir. SİA-nın məlumatına görə, mütəxəssis bu ilin iyulunda müqaviləsi ləğv olunduğu üçün 1 illik maaşının ödənilməsini istəyir.
64 yaşlı məşqçinin 2013-cü ildə imzaladığı 5 illik müqavilədə onun illik maaşı 3.5 milyon avro göstərilib. Müqaviləsinin bitməsinə 16 ay qalmış vəzifəsindən göndərilən Terim federasiyadan 12 ayın təzminatını - 3.5 milyon avro istəyir.
Qeyd edək ki, Terimin istefaya göndərilməsindən sonra Türkiyə millisinə Mirça Luçesku rəhbərlik edir.
Bütün xəbərlər Facebook səhifəmizdə
USD
EUR
GBP
RUB