"Qrup mərhələsinə yüksəlmək şansımız 50-50-dir. 0:1 hesabı ilə uduzmaqdan məmnun deyilik. Ən azı bir qol vurmaq istəyirdik. Rəqib az imkan yaratdığı halda qol vurdu, biz isə kifayət qədər qol epizodu yarada bilmədik".
SİA-nın məlumatına görə, bu sözləri "Kopenhagen"in kapitanı Uilyam Kvist Çempionlar Liqasının pley-off mərhələsində "Qarabağ"a 0:1 hesabı ilə uduzduqları oyundan sonra Danimarkanın TV3+ telekanalına deyib.
O, görüşün çətin keçdiyini bildirib: "Bu, çətin səfər oyunu idi. "Qarabağ" evində böyük təcrübəyə malikdir və xüsusən, rəqibin əks-hücumlarından ehtiyatlanmalı idik. Əvvəlcədən dediyimiz baş verdi. Oyunun nəticəsi də bunu göstərir".
32 yaşlı yarımmüdafiəçi xüsusən ikinci hissədə oyunlarının alınmadığını bildirib: "Matçın sonlarında istədiyimiz kimi təzyiq edə bilmədik. Bunun isti hava şəraiti üzündən olduğunu deyə bilmərəm".
Bütün xəbərlər Facebook səhifəmizdə
USD
EUR
GBP
RUB