Türkiyə Super Liqasının yeni mövsümünə hazırlaşan "Bursaspor" Avstriyadakı təlim-məşq toplanışının ikinci günündə növbəti yoxlama matçını keçirib. SİA-nın məlumatına görə, Azərbaycan yığmasının hücumçusu Dəniz Yılmazın komandası bu dəfə Almaniyanın "İnqolştadt" klubu ilə qarşılaşıb. Oyunda hesab açılmayıb - 0:0.
Baş məşqçi Pol Le Quen yığmamızın forvardına bu oyunda da şans verməyib. Yılmaz bursalıların bir gün öncə İngiltərə Çempionşip klubu "Lids"ə qarşı keçirdiyi oyunda (3:0) da forma şansı qazanmamışdı.
Həmin oyunun ikinci hissəsində meydana çıxan Azərbaycanın gənclərdən ibarət millisinin futbolçusu Ozan Can Kökcü də ikinci sınaq matçında meydana buraxılmayıb.
Bütün xəbərlər Facebook səhifəmizdə
USD
EUR
GBP
RUB