Bu gün kişi voleybolçulardan ibarət Azərbaycan yığması Fransanın Lion şəhərində dünya çempionatının seçmə mərhələsi çərçivəsində üçüncü oyununu keçirəcək. SİA-nın məlumatına görə, voleybolçularımız növbəti oyunda Ukrayna yığması ilə üz-üzə gələcəklər. Oyunu italiyalı baş hakim Fabrizio Pasquali idarə edəcək. İkinci hakim funksiyasını xorvatiyalı Milan Raykoviç yerinə yetirəcək.
Xatırladaq ki, qrup mərhələsi çərçivəsində millimiz Türkiyə və Almaniya yığmaları ilə qarşılaşıb və rəqiblərinə 0:3 hesabı ilə məğlub olub.
Reqlamentə əsasən yalnız qrup qalibləri mərhələ adlayacaqlar. İkinci yerin sahibləri isə pley-off-da üz-üzə gələcəklər.
Qeyd edək ki, 2018-ci ildə kişi voleybol komandaları arasında dünya çempionatına İtaliya və Bolqarıstan birgə ev sahibliyi edəcək.
Bütün xəbərlər Facebook səhifəmizdə
USD
EUR
GBP
RUB