"Bakı-2017" IV İslam Həmrəyliyi Oyunlarında Azərbaycan medal siyahısında yenidən liderliyə yüksəlib. İndiyədək olan məlumata görə, Azərbaycan milli komandası 124 medalla (63 qızıl, 35 gümüş və 26 bürünc) siyahıya başçılıq edir.
Dünən Azərbaycan idmançıları 8 medal qazanıblar. Bu medallardan 4-ü qızıl, 2-si gümüş, 2-si bürüncdür. Milli komandamızın aktivinə ən çox medalı sərbəst güləşçilərimiz yazdırıblar. Sərbəst güləş yarışlarının birinci günündə pəhləvanlarımız 2 qızıl və 1 gümüş medala sahib olublar.
İslamiadanın yeddinci günündə aktivinə 7 medal (1 qızıl, 4 gümüş və 2 bürünc) yazdıran Türkiyə ikinci sıradadır. Hazırda Türkiyə yığmasının hesabında 162 medal (61-56-45) var.
Üçüncü sırada qərarlaşan İranın aktivində 74 medal (20-24-30). Özbəkistan 57 medalla (14-15-28) dördüncüdür.
İslamiadanın yeddinci günündə aktivinə 3 qızıl və 2 gümüş medal əlavə edən Bəhreyn iki pillə irəliləyərək beşinci yeri tutub. Bu ölkənin hesabında 16 medal (9-4-3) var.
Ümumilikdə yeddi gün ərzində 36 ölkənin idmançıları aktivlərinə medal qazana biliblər.
Bütün xəbərlər Facebook səhifəmizdə
USD
EUR
GBP
RUB