"Bakı-2017" IV İslam Həmrəyliyi Oyunlarında əldə olunan uğur yeni qələbələrə həvəsləndirir. SİA-nın məlumatına görə, bunu jurnalistlərə açıqlamasında azərbaycanlı gimnast Marina Nekrasova deyib.
O xatırladıb ki, Avropa çempionatında zədə ilə əlaqədar iştirak edə bilməmişdi: "Buna görə çox təəssüflənmişdim, həvəsdən düşmüşdüm. Hətta bu Oyunlarda da iştirak edib-etməyəcəyimi bilmirdim. Amma məşqçimin dəstəyi mənə kömək oldu. Qazandığım medallara görə çox şadam."
Oyunların digər azərbaycanlı medalçısı Yuliya İnşina isə deyib ki, hər bir medal onun üçün vacibdir.
Oyunlarda digər ölkə nümayəndələrinin çıxışları barədə danışan Y.İnşina və M.Nekrasova qeyd ediblər ki, Türkiyə və Özbəkistan gimnastları layiqli çıxış ediblər.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
Bütün xəbərlər Facebook səhifəmizdə
USD
EUR
GBP
RUB