IV İslam Həmrəyliyi Oyunlarında qadın həndbolçuların yarışında günün ilk qarşılaşması Türkiyə və Kamerun yığma komandaları arasında keçirilib. SİA-nın məlumatına görə, "Sərhədçi" İdman Olimpiya Mərkəzində keçirilən görüşün ilk hissəsi Türkiyə təmsilçisinin 19:16 hesablı üstünlüyü ilə başa çatıb. Qarşılaşmanın ikinci hissəsində kamerunlu həndbolçular 15:14 hesabı ilə qalib gəlsələr də, ümumi hesabda qardaş ölkə idmançıları qələbə qazanıblar - 33:31. Bununla da türkiyəli həndbolçular İslamiadada ikinci qələbələrini əldə ediblər.
İkinci hissənin sonuna yaxın kamerunlu həndbolçu Ebanqa Baboqa Paola Sirielle qırmızı kart alaraq oyundan kənərlaşdırılıb.
Bütün xəbərlər Facebook səhifəmizdə
USD
EUR
GBP
RUB