"Qarabağ"ın kapitanı Rəşad Sadıqov "Qəbələ" ilə görüşdən sonra jurnalistlərin suallarını cavablandırıb.
- Oyun haqqında nə deyə bilərsən? Məğlubiyyətə səbəb nədi?
- Nəticəni nəzərə almasaq, gərgin oyun keçəcəyini bilirdik. "Qəbələ" daha çox topla oynayacaqdı, biz də oyunumuzu mərkəzdə və əks-hücumlar üzərinə quracaqdıq. Demək olar ki, oyun belə də getdi. Sadəcə olaraq, matçın taleyini son vuruşlar həll etdi. Bizim də yaxşı vəziyyətlərimiz oldu. Rəqibin ikinci qolundan başqa real qol epizodu olmadı. Son vuruşlarda "Qəbələ" bizdən dəqiq oldu. Bizim də zərbə vurmağa imkanlarımız vardı, amma ya qapıçının üzərinə getdi, ya da top rəqib müdafiəçilərə dəydi.
- Rəqib müdafiəsini yarmağda çətinlik çəkdiniz. Nəzərə alsaq ki, rəqibin əsas mərkəz müdafiəçisi yox idi. Bu, növbəti oyunlarda sizə çətinlik yaradacaqmı?
- Belə deyək də, "Qəbələ" komanda şəklində çox yaxşı oyun göstərir, güclü heyətləri var. Onlara qol vurmaq asan deyil. Uşaqlar çalışdılar, əllərindən gələni etdilər, amma alınmadı.
- Bu matçda "Qəbələ" azarkeşlərinin çılğınlığı diqqətini çəkdimi? Oyun zamanı ab-hava necə idi?
- Bu, normaldır. Səfər matçlarında hər zaman rəqib azarkeşlərin üstünlüyü olur.
- Demək olar ki, bu matçdan sonra çempionluq yarışı daha da qızışacaq?
- Bəli, əgər bu gün qələbə qazansaydıq, çempionluğa daha çox yaxınlaşacaqdıq, ancaq məğlub olmağımızla rəqabət daha da qızışdı.
- Son vaxtlara qədər "Neftçi" - "Xəzər-Lənkəran" matçına "böyük oyun" adı verilmişdi, "Qarabağ"-"Qəbələ" matçı da bu səviyyəyə gələ bilərmi?
- Həmin matçlar bir az fərqli idi. Komandaların bir-birinə qarşı aqressiyası vardı. Amma bizim "Qəbələ" komandası ilə çox yaxşı münasibətlərimiz var. İllərlə belədi. Bu gün meydançada da gözəl futbol oldu, futboldan kənar hadisələr baş vermədi. Bu oyunla o matçları müqayisə eləməzdim.
- Hansısa azarkeş narazılığını görmədin?
- Xeyr, görmədim.
- Hazır deyildin bugünkü oyuna?
- Hazır olsam, oynayardım.
Bütün xəbərlər Facebook səhifəmizdə
USD
EUR
GBP
RUB