Dekabrın 23-də Gənclər və İdman Nazirliyində (GİN) Uşaq Gənclər Futbol Federasiyasının prezidenti vəzifəsinə seçki keçirilib.
Gənclər və İdman Nazirliyinin mətbuat xidmətinin rəhbəri Səmayyə Məmmədovanın SİA-ya verdiyi məlumata görə, seçkidə gənclər və idman naziri Azad Rəhimov, nazir müavini İsmayıl İsmayılov, AFFA-nın baş katibi Elxan Məmmədov, Milli Məclisin deputatı Rauf Əliyev və digər şəxslər iştirak ediblər.
Azad Rəhimov uşaq futbolunun inkişafının önəmindən danışaraq qeyd edib ki, ölkəmizdə yeniyetmələr və gənclər arasında futbola maraq hər zaman yüksək səviyyədədir. Bu səbəbdən uşaq futbolunun inkişafı mühüm əhəmiyyət daşıyır.
Sonra səsvermə keçirilib və Rauf Əliyev Uşaq Gənclər Futbol Federasiyasının prezidenti seçilib.
Bütün xəbərlər Facebook səhifəmizdə
USD
EUR
GBP
RUB