19-23 oktyabr 2016-cı il tarixlərində Belarusiyanın Minsk şəhərində Avropa Olimpiya Komitəsinin (AOK) 45-ci Assambleyası keçiriləcək.
MOK-tan SİA-ya verilən məlumata görə, tədbirdə Milli Olimpiya Komitəsinin (MOK) vitse-prezidenti və AOK-nin İcraiyyə Şurasının üzvü Çingiz Hüseynzadə, MOK-un Beynəlxalq Əlaqələr İdarəsinin rəisi Anar Bağırov iştirak edəcək.
20 oktyabr tarixində AOK-nin İcraiyyə Şurasının üzvü olan Çingiz Hüseynzadə adı çəkilən təşkilatın İcraiyyə Şurasının iclasında iştirak edəcək.
21-22 oktyabr tarixlərində isə AOK-nin Baş Assableyası çərçivəsində Avropa Olimpiya Dəfnə mükafatı təqdim olunacaq. Tədbir çərçivəsində Dünya anti-dopinq Agentliyi məruzə ilə çıxış edəcək.
Əlavə olaraq, Yeniyetmələrin 2017-ci il Ərzurum Yay Olimpiya Festivalı və 2017-ci il Gyor Qış Olimpiya Festivalının Təşkilat Komitələrinin hesabat çıxışları gündəlikdə olan məsələlər sırasındadır. Yeniyetmələr arasında 2016-cı il Lillehhammer Qış Olimpiya Oyunları və 2018-ci il Buenos Ayres Yay Olimpiya Oyunları da müzakirə olunacaq.
Həmçinin, 2021-ci ildə keçiriləcək Avropa Yeniyetmələrinin Olimpiya Festivalının namizəd ölkələrinin siyahısı açıqlanacaq.
Xatırladaq ki, Avropa Olimpiya Komitəsinin 46-cı Baş Assambleyasının keçiriləcəyi ölkənin adı tədbirdə açıqlanacaq.
Bütün xəbərlər Facebook səhifəmizdə
USD
EUR
GBP
RUB