"Neftçi" PFK Topaz Premyer Liqasının VIII turu çərçivəsində qarşılaşacağı "Zirə" klubu ilə oyunun hazırlığını davam etdirir. SİA-nın məlumatına görə, komanda İsmət Qayıbov adına təlim-məşq bazasında hazırlıq keçib. Məşqdən sonra hücumçu Katalin Tira Neftçi TV-yə açıqlama verib: "Keçən mövsüm "Neftçi"də olmasam da, xəbərim var ki, "Zirə"ni məğlub edə bilməmişik. Bununla belə, oyuna çox yaxşı hazırlaşmışıq. Həm psixoloji, həm də fiziki cəhətdən tam hazırıq. İnanıram ki, qalib gələcəyik və hamımız bu qələbəyə sevinəcəyik".
Xatırladaq ki, "Zirə" - "Neftçi" oyunu oktyabrın 16-da Zirə İdman Kompleksinin stadionunda keçiriləcək və saat 18:30-da başlanacaq.
Bütün xəbərlər Facebook səhifəmizdə
USD
EUR
GBP
RUB