Türkiyə Futbol Federasiyasının prezidenti Yıldırım Demirören millidəki mükafat qalmaqalı, Fatih Terim və Arda Turan haqda önəmli açıqlama verib. SİA-nın məlumatına görə, "A Spor"a danışan qurum rəsmisi deyib ki, heç vaxt futbolçularla Terim arasında mükafat davası olmayıb: "Mükafatla bağlı problem olmayıb. Milli komanda Avro-2016-nın final mərhələsində mübarizəni dayandırmasına baxmayaraq, oyunçulara mükafatları vermişəm. Bundan sonra hər oyuna görə mükafat olmayacaq. Komandanın kapitanı baş məşqçi ilə mükafatla bağlı danışa bilər. Ancaq bunun məşq zamanı azarkeşlərin önündə söylənilməsi yanlış idi".
Y.Demirören Arda Turanın milliyə çağırılmamağına da münasibət bildirib: "Bir futbolçunun oynayıb-oynamamağına baş məşqçi qərar verir. Ardanın milliyə çağırılmamasına narazılığımı bildirmədim. Onun niyə yığmaya dəvət edilmədiyini bilmirəm. Baş məşqçi taktiki dəyişikliklərə görə bunu edə bilər. 2-3 matçda oynamayan Arda 4-cü görüşdə meydanda ola bilər".
Qurum prezidenti F.Terimin millidəki gələcəyi haqda da danışıb. O, F.Terimlə əməkdaşlığa davam edəcəklərini söyləyib.
Bütün xəbərlər Facebook səhifəmizdə
USD
EUR
GBP
RUB