Şağan Olimpiya-İdman Kompleksində Azərbaycanın Əməkdar Bədən Tərbiyəsi İşçisi Sabir Hüseynovun xatirəsinə həsr olunmuş sambo güləşi üzrə Bakı şəhər açıq birinciliyi keçirilib. Siasport.az saytı xəbər verir ki, 1995-1996-cı il təvəllüdlü yeniyetmələr arasında keçirilmiş yarışda 190 idmançı 12 çəki dərəcəsi üzrə mübarizə aparıblar. Yarışın nəticələrinə görə 1-ci yeri 40 kq çəki dərəcəsində Mirfəttah Seyidbəyli, 42 kq çəkidə Elmin Babayev, 45 kq çəki dərəcəsində Rəşad Muradov, 48 kq-da Tural Allahverdiyev, 51 kq çəkidə Elton Quliyev, 55 kq çəki dərəcəsində Fuad Məmmədov, 59 kq-da Murad İbrahimov, 63 kq-da İbrahim Məmmədov, 68 kq çəki dərəcəsində Fərid Babazadə, 73 kq-da Fərid Sadıqov, 78 kq-da Rəşad Əliyev, 78 kq-dan yuxarı çəki dərəcəsində isə Tural Qəhrəmanov tutublar.
Qaliblərə Gənclər və İdman Nazirliyinin, Sambo Federasiyasının müvafiq dərəcəli diplomları və xatirə hədiyyələri təqdim edilib.
Bütün xəbərlər Facebook səhifəmizdə
USD
EUR
GBP
RUB