Azərbaycanın qadın otüstü hokkeyçilərdən ibarət "Atasport" klubu Avropanın Çempionlar Kuboku uğrunda turnirində sonuncu oyununu keçirib. Siasport.az saytı xəbər verir ki, təəssüf ki, bu mövsümdə qızlarımız son 6 ildə mümkün olmayanı ediblər. Yəni ötən il həmin yarışın II mərhələsində də qalib gələrək "dörlər finalına" vəsiqə qazanan "Atasport" bu dəfə heç 2-ci mərhələyə də çıxa bilməyib. "D" qrupunda mübarizə aparan hokkeyçilərimiz ilk görüşdə İngiltərənin "Sloug", növbəti oyunda isə Hollandiyanın "Larense" klublarına eyni hesabla (0:2) məğlub olaraq təsəlliverici oyunda elitanı tərk etməmək üçün "C" qrupunun uğursuz iştirakçısı "Volqa Telekom"(Rusiya) komandası il qarşılaşıb. Gözlədiklərimizin əksinə olaraq bu matç da qadın hokkeyçilərimiz üçün o qədər ürəkaçan alınmayıb. İlk hissədə heç-heçə (2:2) oynayan rəqiblər fasilədən sonra prinsipial məsələyə aydınlıq gətiriblər. İkinci hissədə daha 3 cavabsız qol vuran "Atasport" 5:2 hesalı qələbə qazanmaqla qitənin 12 ən güclü klubu sırasındakı yerini mühafizə edib.
Beləliklə, hokkeyçilərimiz mükafatsız qalsalar da elitada qalmaqlarına seviniblər.
Bütün xəbərlər Facebook səhifəmizdə
USD
EUR
GBP
RUB