Şağan Olimpiya İdman Kompleksində keçirilən kapoeyro üzrə 5-ci ümumrespublika çempionatının qalibləri müəyyənləşib. Siasport.az saytı xəbər verir ki, bu yarışda həmişə olduğu kimi peşəkar (15 yaşınadək, 16-18 yaş, 18 və daha yuxarı yaşlar) və qeyri-peşəkar (6-10; 11-13; 14-15; 16-17, 18 və daha yuxarı yaşlar) qruplarda kapoeyroçılar iştirak ediblər. 17 klubdan 100-dən çox idmançı kapoeyronun 3 növü - "solo", "benkela", "rejional" üzrə öz qüvvələrini sınayıblar.
Həvəskarlar
arasında fəxri kürsünün yüksək pilləsinə Xəyyam Əsgərov (6-10 yaş), Nurlan
Cəlilov (11-13 yaş), Semrah Hüseynov (14-15 yaş), Rüfət Məhərrəmov (16-17 yaş),
Şahin Rzayev (18 yaşdan yuxarı) qalxıblar. Peşəkarlar arasında isə qalib Fərid
Səlimov (15 yaşadək), Vüqar Tahirov (16-18 yaş) və Elvin Şahbazov (18 yaş və
daha yuxarı yaşlar) olub.
Yarışın keçirilməsində məqsəd, kapoeyro idman
növünü Azərbaycanda təbliğ etmək, onun inkişafına nail olmaq, idmançılarımızın
ustalıqlarını artırmaq, dünya, Avropa və iyun ayında Bakıda keçiriləcək
beynəlxalq turnirdə iştirak etmək üçün idmançıları müəyyən etmək olub.
Bütün xəbərlər Facebook səhifəmizdə
USD
EUR
GBP
RUB