Taekvondo üzrə milli komandamız mayın 1-6 tarixlərində Koreya respublikasında dünya çempionatına hazırlıqları başa vurmaq üçün artıq yarışın keçiriləcəyi Gyencju şəhərinə yola düşüb. Siasport.az saytı xəbər verir ki, idmançılarımız məşqlərdən əlavə, təcrübəli yerli klublarla yoxlama görüşləri də keçirəcəklər.
Dünya çempionatına gəlincə, kişilər arasında yarışda ölkəmizi Samir Aydınov (-54 kq), Ziya Qasımov (-58 kq), Fariz Əliyev (-63 kq), İlkin Şahbazov (-68 kq), Elvin Məmmədov (-74 kq), Ramin Əzizov (-80 kq), Təvəkkül Bayramov (-87 kq), Aydın Bəhməlov (+87 kq) təmsil edəcək. Qadınların mübarizəsində isə Xəyalə Quliyeva (-46 kq), Türkanə Tahirli (-49 kq), Nigar Hacıyeva (-53 kq), Günay Ağakişiyeva (-57 kq), Səbinə Mikayılova (-62 kq), Vonkyuq Kim (-67 kq), Yelena Abbasova (-73 kq) və Fəridə Əzizova (+73 kq) iştirak edəcək.
Taekvondoçularımız hazırlığı seçmə komandanın baş məşqçisi, respublikanın əməkdar məşqçisi Ələkbər İmaməliyevin, məşqçilər Conq Conqbay, Elnur Amamnov və Niyaməddin Paşayevin, həmçinin Sunmi parkın rəhbərliyi ilə davam etdirirlər.
Qeyd
edək ki, yarışdan əvvəl Dünya Taekvondo Federasiyasının Baş Assambleyası və
İdarə Heyətinin toplantısı, eləcə də Taekvondo üzrə Beynəlxalq Elmi Simpozium
keçiriləcək.
Bütün xəbərlər Facebook səhifəmizdə
USD
EUR
GBP
RUB