Bu gün "Rio-2016" Yay Olimpiya Oyunlarında Azərbaycanın 4 təmsilçisi 3 idman növü üzrə medallar uğrunda mübarizəyə qoşulacaq. SİA-nın məlumatına görə, əvvəlcə saat 17:24-də sərbəst güləş üzrə Olimpiya çempionumuz Şərif Şərifov 86 kq çəki dərəcəsində 1/8 final görüşündə çinli Şenqfenq Bi ilə üz-üzə gələcək. Saat 17:48-də dünya çempionatının gümüş medalçısı Cəmaləddin Məhəmmədov (125 kq) 1/8 finalda ABŞ idmançısı Tervel Dlaqnevlə qarşılaşacaq.
Bu gün Azərbaycan taekvondoçusu, dünya və qitə çempionu, "Bakı-2015"in qalibi Radik İsayev (80 kq-dan yuxarı) isə 1/8 finalda qazaxıstanlı Ruslan Japarovu sınağa çəkəcək. Bu döyüş saat 19:45-də start götürəcək.
Saat 22:20-də Azərbaycan təmsilçisi, bədii gimnast Marina Durunda fərdi çoxnövçülük üzrə final yarışlarında iştirak edəcək. Gimnastımızın da finalçılar sırasında yer aldığı yarışlarda top, gürz, lent və halqa ilə hərəkətlərin yekununda qalib və mükafatçılar müəyyənləşəcək.
Bütün xəbərlər Facebook səhifəmizdə
USD
EUR
GBP
RUB