Rio-2016 Yay Olimpiya Oyunlarında taekvondo yarışları davam edir. Qol.az-ın məlumatına görə, ölkəmizi təmsil edən Milad Beiqi Harçeqani və Fəridə Əzizova bu gün mübarizəyə qoşulub.
Kişilər, 80 kq
80 kq çəki dərəcəsində çıxış edən Milad Beiqi Harçeqani mübarizəyə 1/8 finaldan start verib. Onun ilk rəqibi malili İsmael Koulibali olub. Rəqibinə 13:6 hesabı ilə qalib gələn idmançımız 1/4 finala yüksəlib.
Harçeqani 1/4 finalda Mehdi Xodabaxşi (İran) ilə üz-üzə gəlib. Bütün raundlarda rəqibindən üstün olan təmsilçimiz 17:5 hesablı qələbə ilə adını yarımfinala yazdırıb.
Qadınlar, 67 kq
Qadınların yarışında ölkəmizi təmsil edən Fəridə Əzizova (67 kq) 1/8 finalda amerikalı Peyc Makferson ilə qarşılaşıb. London Olimpiadasının gümüş medalçısına 6:5 hesabı ilə qalib gələn idmançımız 1/4 finala yüksəlib. Taekvondoçumuz 1/4 finalda Niqora Tursunqulova (Özbəkistan) ilə qarşılaşıb və 5:1 hesabı ilə qalib gələrək yarımfinala vəsiqə qazanıb. Qeyd edək ki, taekvondo komandamızın heyətində Patimat Abakarova (49 kq) Olimpiya Oyunlarını bürünc medalla başa vurub.
Bütün xəbərlər Facebook səhifəmizdə
USD
EUR
GBP
RUB