Bu gün "Rio-2016" Yay Olimpiya Oyunlarında Azərbaycanın 6 idmançısı medallar uğrunda mübarizəyə qoşulacaq. SİA-nın məlumatına görə, taekvondoçumuz Milad Beigi Harçeqani ilk görüşünü keçirəcək. 80 kiloqram çəki dərəcəsində çıxış edən təmsilçimizin 1/16 final mərhələsində rəqibi Mali idmançısı İsmael Kulibali olacaq. Döyüş Bakı vaxtı ilə saat 17:15-də başlanacaq.
Saat 17:20-də bədii gimnast Marina Durunda fərdi çoxnövçülük üzrə təsnifat yarışına qatılacaq. 26 idmançının yerinə yetirəcəyi 4 hərəkətin yekununda finalçılar müəyyənləşəcək. Həlledici mərhələ avqustun 20-də saat 22:20-də başlanacaq.
Bundan sonra 2 sərbəst güləşçi ilk görüşünə çıxacaq. Saat 17:24-də dünya çempionu Hacı Əliyev 57 kq çəkidə 1/8 final görüşünü keçirəcək. Onun ilk rəqibi Yunsik Yun (Koreya Respublikası) olacaq. Saat 17:48-də isə ikiqat Avropa çempionu Cəbrayıl Həsənov (74 kq) kolumbiyalı Karlos Arturo İzkierdo Mendeslə qarşılaşacaq. Təsəlliverici görüşlər saat 23:00-da, medal yarışları saat 00:00-da başlanacaq.
Saat 18:30-da qadın taekvondoçu Fəridə Əzizova 67 kq çəkidə ilk görüşünü keçirəcək. O, ABŞ təmsilçisi Peyc Makfersonla üz-üzə gələcək. Saat 21:45-də boksçumuz Lorenso Sotomayor (64 kq) yarımfinal qarşılaşmasına çıxacaq. O, Almaniya təmsilçisi Artyom Harutunyanı məğlub etsə, Azərbaycan boks tarixində ilk dəfə Olimpiya Oyunlarında finala yüksələcək.
Bütün xəbərlər Facebook səhifəmizdə
USD
EUR
GBP
RUB