"Baku Fires" boks klubu WSB liqasında ilk yarımfinal görüşünü keçirib. Siasport.az saytı xəbər verir ki, komandamız "Sərhədçi" İdman Olimpiya Mərkəzində Fransanın "Paris United" klubu ilə qarşılaşıb. İlk olaraq rinqə çəkisi 54 kq olan boksçular çıxıb. Məhəmməd Abdulhəmidovun gürcü boksçusu Georgi Kilanava ilə döyüşü çətin keçib. Buna baxmayaraq, toyundan bir gün əvvəl rinqə çıxan idmançı komandamıza ilk qələbəni qazandırıb. Hər 3 hakim Abdulhəmidovun qələbəsini qeydə alıb. "Baku Fires"in rusiyalı legioneri Semyon Qrivaçyov Abdulkader Çadi ilə görüşdə favorit sayılırdı. Əlcəzairli boksçunun WSB liqasındakı debütü uğursuz alınıb. Qrivaçyovun qələbəsindən sonra hesab 2:0 olub.
73 kq-da mübarizə aparan
Məhəmməd Nuritdinovun qələbəsi isə daha asan alınıb. Təcribəli boksçu "Paris United"in fransalı
idmançısı Stefan Kuevası rinqə çıxmağa peşman edib. İkinci raundda zədələnən Kuevas döyüşü davam
etdirə bilməyib.
Bu günlərdə Ukrayna
çempionatında gümüş medal qazanan Denis Poyatsıka rəqibin ən güclü idmançısı Lüdovik
Qroque ilə üz-üzə gəlib. Fransa boksçusu WSB-nin reytinqində ilk sırada yer
almaqla, London Olimpiadasına lisenziya uğrunda döyüşmək imkanı qazanıb. Fiziki
cəhətdən Poyatsıkadan üstün təsir bağışlayan fransalı boksçu komandasına ilk
qələbəni qazandırıb.
Superağır çəki dərəcəsində
isə komandamızın liderlərindən biri Məhəmmədrəsul Məcidov Tonu Yoka ilə
qarşılaşıb. 18 yaşlı Yoka yeniyetmələrin ilk Olimpiya oyunlarının qalibi
olmaqla yanaşı, həm də gənclər arasında dünya birinciliyinin gümüş
mükafatçısıdır. Boyu 2 metr olan fransalı boksçu Məcidova ciddi müqavimət
göstərməyi bacarıb. Bununla belə, qələbəni Azərbaycan idmançısı bayram edib. 4:1 hesabı ilə qələbə qazanan "Baku
Fires" cümə günü gecə keçiriləcək cavab
görüşü öncəsində yaxşı üstünlük əldə edib. Qeyd edək ki, digər yarımfinalda
Qazaxıstanın "Astana Arlans" klubu ABŞ-nın "Los Angeles Matadors" komandasını
4:1 hesabı ilə məğlub edib.
Görüşdən sonra "Baku Fires"in baş məşqçisi Həmzət Ağayev azarkeşlərə təşəkkür edib: "4:1 hesabı ilə qələbə qazanmağımıza baxmayaraq, görüş çətin keçdi. Qələbə qazandığımıza görə sevincliyəm. Azarkeşlər də qələbəmizdə kifayət qədər aktiv rol oynadılar. Əminəm ki, cavab qarşılaşmasında da sərfəli nəticə əldə edərək, finala çıxacağıq. Finalda kiminlə qarşılaşmağımızın elə bir əhəmiyyəti yoxdur. Çünki qarşımıza turniri qələbə ilə başa vurmaq məqsədi qoymuşuq. Bizə göstərdiyi hərtərəfli dəstəyə görə federasiya prezidenti Kəmaləddin Heydərova təşəkkür edirəm".
Bütün xəbərlər Facebook səhifəmizdə
USD
EUR
GBP
RUB