"Artıq 8 aydır məşçi kimi yığma komandada çalışıram. Həyəcan az deyil. Bundan əvvəl keçirilmiş Avropa çempionatında 1 qızıl və 1 gümüş medal qazandıq". SİA-nın məlumatına görə, bunu Azərbaycanın cüdo yığmasının məşqçisi Mövlud Mirəliyev Gənclər və İdman Nazirliyinin mətbuat xidmətinin rəhbəri Səmayə Məmmədova ilə söhbətində deyib. O, cüdoçularımızın Rio-de-Janeyro Yay Olimpiya Oyunlarında da gümüş medallar qazandığını vurğulayaraq, Azərbaycan xalqını bu münasibətlə təbrik edib: "Qısa müddətdə xeyli məşq etdik və mübarizə apardıq. Bildiyiniz kimi reytinq məsələsi də var. İdmançılarımız xal toplamaq üçün mübarizə apardılar. Bu məşqlərin nəticəsidir ki, Rio-de-Janeyro Yay Olimpiya Oyunlarında iki medal qazandıq. Bu münasibətlə bütün cüdosevənləri, Cüdo Federasiyanı təbrik edirəm".
O, bildirib ki, məşqçilər adətən bütün idmançılardan yüksək nəticə gözləyir: "Məşqçi istəyir ki, 6 çəkidə idmançıların hamısı medal qazansın. Elmar Qasımov və Rüstəm Orucov ikinci dəfədir olimpiya oyunlarında iştirak edirlər. Onlarda qələbəyə inam var idi. Orxan və Nicat özlərini tam toparlaya bilmədilər. Amma buna baxmayaraq yaxşı çıxış etdilər. Ümumiyyətlə cüdoçularımız olimpiya oyunlarında çox yaxşı iştirak etdilər. Onlar mübarizəyə tam hazır idilər".
Məşqçi əlavə edib ki, 90 kq çəkidə mübarizə aparan Məmmədəli Mehdiyevdən yüksək nəticə gözləyirdi: "Yaponiyada keçiriləcək yarışda Məmmədəli Mehdiyevin yüksək nəticə göstərəcəyinə inanıram".
Bütün xəbərlər Facebook səhifəmizdə
USD
EUR
GBP
RUB