Braziliyada keçirilən XXXI Yay Olimpiya Oyunlarının 4-cü günündə boks üzrə Azərbaycan yığmasının 3 üzvü mübarizəyə qoşulacaq. SİA-nın məlumatına görə, ilk olaraq rinqə Kamran Şahsuvarlı çıxacaq. 75 kq çəki dərəcəsində mübarizə aparan təmsilçimiz yarışa 1/16 final mərhələsindən başlayacaq. Daha sonra Albert Səlimov yumruğunun gücünü sınayacaq. 60 kq-da çıxış edən dəri əlcək ustamız Olimpiadaya 1/8 finaldan start verəcək. Azərbaycanlı bokssevərlər günə Məhəmmədrəsul Məcidovun döyüşü ilə yekun vuracaqlar. Superağır çəkidə (+91 kq) mübarizə aparan idmançımız da ilk olaraq 1/16 finalda çıxış edəcək.
Bütün xəbərlər Facebook səhifəmizdə
USD
EUR
GBP
RUB