"Turan" klubunun stadionu qaranlıqda qalıb. Bu barədə siasport.az saytına Tovuz şəhər stadionunun direktoru Samir Səlimov açıqlama verib. Onun sözlərinə görə, artıq 2 gündür ki, stadiona verilən elektrik enerjisi kəsilib. Direktor bildirib ki, işıqların kəsilməsinin səbəbi isə klubun elektrik enerjisinə olan borcudur. O qeyd edib ki, "Turan"ın borcu klubun hazırki prezidenti Musa Süleymanovdan öncəki illərində yığılıb. S.Səlimov vurğulayıb ki, klub 2004-cü ildən cari mövsümün əvvəlinədək işıqpulu ödəməyib. Onun sözlərinə görə, M.Süleymanov prezident seçiləndən sonra isə nəinki elektrik enerjisi haqqı, hətta bütün ödənişlər vaxtında ödənilib.
Qeyd edək ki, klubun elektrik enerjisinə olan borcu isə təxminən 10
min dollardır.
Məsələ ilə əlaqədar olaraq "Turan"ın idman direktoru Nail Nurəddinoğlu
ilə əlaqə saxladıq. İdman direktoru bir neçə gündü Bakıda olduğunu, klubun cari
mövsümün əvvəlinədək borclarının olduğunu bildiyini, lakin hazırda stadionun
elektrik enerjisinin kəsilməsindən xəbərsiz olduğunu bildirdi.
Bütün xəbərlər Facebook səhifəmizdə
USD
EUR
GBP
RUB