AVRO-2012-nin seçmə mərhələsi çərçivəsində son Avropa və dünya çempionu İspaniya səfərdə Litva ilə qarşılaşıb. Siasport.az saytı xəbər verir ki, İspaniya rəqibi səfərdə məğlub edib-1:3.
19-cu dəqiqədə Xavi Hernandes hesabı açıb. 57-ci dəqiqədə Marius Stankeviçius hesabı bərabərləşdirib. 70-ci dəqiqədə avtoqola imza atan Tadas Kiyanskas ispanların köməyinə çatıb. Son nöqtəni isə matçın bitməsinə 7 dəqiqə qalmış Xuan Mata qoyub.
Hollandiya - Macarıstan matçında isə 8 qolun vurulub. Oyun hollandların 5:3 hesablı qələbəsi ilə yekunlaşıb. Hollandiya yığmasının heyətində Dirk Kuyt dubl edib, Robin van Persi, Uesli Sneyder və Ruud van Nistelrooy hərəyə bir qol vurub.
Estoniya Serbiya (1:1), Şimali İrlandiya Sloveniya (0:0) ilə isə sülh bağlayıb. Rumıniya Lüksemburqu (3:1), İsrail Gürcüstanı (1:0), İsveç Moldovanı (2:1), Çexiya Lixtenşteynə (2:0) qalib gəlib.
Bütün xəbərlər Facebook səhifəmizdə
USD
EUR
GBP
RUB
