Azərbaycan yığma komandasının cüdoçuları təlim-məşq toplantısında iştirak etmək üçün İsmayıllı rayonuna yollanıblar. JudoOnlinedən siasport.az-a verilən məlumata görə, iki həftə davam edəcək təlim məşq toplantısında yığma komandamıza baş məşqçi Ağayar Axundzadə və məşqçi Hacıağa Hacıəhmədov rəhbərlik edəcək.
Təlim-məşq toplantısının keçırılməsində əsas məqsəd idmançılarımızın yeni qaydalar üzərində işləməsi, onların ümumi fiziki və xüsusi fiziki hazırlıqlarının, həmçinin dözümlük və çeviklik dərəcələrinin daha da artırılmasıdır.
Təlim-məşq toplantısından sonra cüdoçularımızı London-2012 Olimpiya Oyunlarına lisenziya xalı verən yarışlar gözləyir.
Qeyd edək ki, təlim-məşq toplantısı İsmayıllı Olimpiya İdman Kompleksində keçiriləcək.
Bütün xəbərlər Facebook səhifəmizdə
USD
EUR
GBP
RUB