Bu gün AFFA-nın İcraiyyə Komitəsinin iclası keçirilib.
Siasport.az saytı xəbər verir ki, aparılan müzakirələrdən sonra aşağıdakı
qərarlar qəbul olunub:
1. Nikolay Adamın U-15 və U-16, Təbriz Həsənovun U-17, Vəli
Qasımovun isə U-19 Azərbaycan yığma komandasının baş məşqçisi vəzifəsinə
təyinatı təsdiq olunub.
2. Futbol veteranları Cahangir Hüseynov, Bəşir Əliyev, Rafiq
Məmmədov və Rafiq Bağırova AFFA-nın təqaüdü verilməsi təsdiqlənib.
3. AFFA ilə Liverpul Universiteti arasında aparılmış
danışıqlara uyğun olaraq, futbol idarəçiliyinin təkmilləşdirilməsi ilə bağlı
Bakıda Liverpul Universitetinin seminarlarının təşkil olunması qərara alınıb.
Premyer Liqada çıxış edən hər klubun ən azı 1 nümayəndəsinin həmin seminarlarda
təhsil alması tövsiyə olunub.
4. U-13 və U-14 liqalarında çıxış edən komandaların
futbolçularının cəzalarının azaldılması ilə bağlı Əsasnamədə dəyişiklik edilib.
5. AFFA-nın U-11 Liqasının yaradılmasının mümkünlüyü ilə bağlı araşdırma aparılmasının AFFA-nın baş katibliyinə həvalə olunması qərara alınıb.
Bütün xəbərlər Facebook səhifəmizdə
USD
EUR
GBP
RUB