4-12 mart 2011-ci il tarixdə "Sərhədçi" İdman Olimpiya Mərkəzində sərbəst və yunan-Roma güləşi üzrə yeniyetmə və gənclərin Azərbaycan birinciliyi keçiriləcək. Siasport.az saytı xəbər verir ki, FİLA-nın qaydalarına əsasən keçirilən gənclərin yarışında 1991-1993-cü il, yeniyetmələrin yarışında isə 1994-1995-ci il təvəllüdlü güləşçilər iştirak edə bilər.
Azərbaycan
Respublikası Gənclər və İdman Nazirliyi və Azərbaycan Güləş Federasiyasının
birgə təşkilatçılığı ilə keçirilən və şəxsi xarakter daşıyan yarışlarda idman
cəmiyyətləri, idman klubları, idman təşkilatları, şəhər və rayon yığma
komandalarının tərkibinə daxil olan idmançılar mübarizə aparacaq. Şəxsi yarışda
çəki dərəcələri üzrə ilk 3 yeri tutmuş idmançılar AGF tərəfindən müvafiq
diplom, medal və pul mükafatı ilə təltif olunacaq, həmin güləşçilər tam idman
geyim dəsti ilə təmin olunaraq ölkə yığma komandasının heyətinə cəlb
ediləcəklər.
50, 60, 74 və 96 kq – yunan-Roma güləşi üzrə gənclər
05 mart 2011-ci il
55, 66, 84 və 120 – Yunan-Roma güləşi üzrə gənclər
06 mart 2011-ci il
42, 50 və 58 kq – Sərbəst güləş üzrə yeniyetmələr
07 mart 2011-ci il
46, 54 və 63 kq - Sərbəst güləş üzrə yeniyetmələr
08 mart 2011-ci il
69, 76, 85 və 100 kq - Sərbəst güləş üzrə yeniyetmələr
09 mart 2011-ci il
42, 50, 58, 69 və 85 kq – Yunan-Roma güləşi üzrə yeniyetmələr
10 mart 2011-ci il
46, 54, 63, 76 və 100 kq – Yunan-Roma güləşi üzrə yeniyetmələr
11 mart 2011-ci il
50, 60, 74 və 96 kq – Sərbəst güləş üzrə gənclər
12 mart 2011-ci il
55, 66, 84 və 120 kq – Sərbəst güləş üzrə gənclər
İlkin və təsəlliverici görüşlər hər gün saat 10.00-da, final görüşləri isə
18.00-da başlayacaq. Yarışın təntənəli açılış mərasimi martın 4-də saat
17.00-da keçiriləcək.
Bütün xəbərlər Facebook səhifəmizdə
USD
EUR
GBP
RUB