Ötən gün keçirilən \"İnter\" - \"Xəzər Lənkəran\" oyununda özbaşınalıq yaşanıb. Siasport.az saytı xəbər verir ki, oyunundan sonra Fanat İdman Agentliyinin (fanat.az) əməkdaşı Pərvin Kazımoğlu heç bir səbəb olmadan \"Şəfa\" stadionundan kənarlaşdırılıb.
\"İnter\"in mühafizə xidmətinin rəhbəri və əməkdaşları jurnalistə qarşı zor tətbiq edib, təhqiramiz ifadələr işlədib, onu jurnalistlər üçün ayrılmış sektora və mətbuat konfransına buraxmayıblar. Baş verənlərə Pərvin Kazımoğlunun reaksiyası belə oldu: "İkinci hissənin əvvəlində tribunadan çıxıb, isinmək üçün aşağı düşdüm. Mühafizəçilərə vəsiqəmi göstərib, paltardəyişmə otağının koridoruna daxil oldum. Təxminən 15-20 dəqiqə orda dayandım, heç bir problemlə üzləşmədim.
Lakin bir müddət sonra Fanat.az-dan olduğumu bilən stadionun mühafizə xidməti məni ordan çıxartdı. Bu zaman tribunaya qayıtmaq istədim. Amma buna da imkan vermədilər. Mühafizə xidmətinin əməkdaşları qolumdan tutub, məni stadiondan çıxartdılar. Bu vaxt təhqiramiz ifadələr də işlətdilər. Digər qapıdan keçib, tribunaya qayıtdım.
Oyun bitəndən sonra mətbuat konfransına yollanmaq isətəsəm də, mühafizəçilər yenə qarşımı kəsib, məni konfrans zalına buraxmadılar. Bunu yanımdakı həmkarlarım da gördü. Onların istəyi ilə stadionu tərk etdim. \"İnter\"in mühafizə xidməti içkili olduğumu deyib, məni stadiondan qovdu. Əslində isə onların məqsədi tamam başqa idi. Meydandakı rəzilliklərinin acığını jurnalistdən çıxdılar.
Hadisədən dərhal sonra Peşəkar Futbol Liqasının prezidenti Ramin Musayevə və \"İnter\"in idman direktoru Səbuhi Səfiyarlıya məlumat vermişəm. İnanıram ki, hər iki tərəf tezliklə bu özbaşınalıqla bağlı mövqeyini açıqlayacaq".//penalti.az
Bütün xəbərlər Facebook səhifəmizdə
USD
EUR
GBP
RUB