Beynəlxalq Cüdo Federasiyası Almaniyanın Düsseldorf şəhərində keçirilən Qran-Pri turnirindən sonra reytinq sıralamasını açıqlayıb. Siasport.az saytı xəbər verir ki, ən yüngül çəki dərəcəsində - 60 kq-da İlqar Müşkiyev 233 xalla 24-cü yerdədir. Bu çəkinin lideri özbəkistanlı Rişod Sobirovdu (2166 xal). 66 kq-da Tərlan Kərimov 472 xalla 16-cıdır. Tsaganbaatar Hasbaatar (Monqolustan) 1570 xalla 1-ci yerdədir. Elnur Məmmədlinin gedişindən sonra 73 kq-ı onun Pekin olimpiadasının finalında 13 saniyəyə məğlub etdiyi koreyalı Van Ki Çun (1548 xal) ələ keçirib. Həmyerlimiz Renat Mirzəliyev isə 56 xalla 103-cü yerdədir.
81 kq çəkililər arasında yarışan Elnur Məmmədli 688 xal toplayıb. Bu ona hələ ki 11-ci pillədə durmaq imkanı verir. Digər idmançımız Elxan Rəcəbli 286 xalla 31-cidir. Lider kürsüsündə isə koreyalı Kim Bum Jae (1760 xal) əyləşib.
90 kq yaponiyalı Ono Takaşi (1580) birincidi. Elxan Məmmədov 1072 xalla 4-ce sırada yer alıb.
100 kq-da yaponiyalı Anai Takamasi 1798 xalla zirvədə durduğu halda, Elmar Qasımov 322 xalla 25-cidi.
Qadınlar arasında 57 kq çəkidə mübarizə aparan Kifayət Qasımova 41 xalla 20-ci yerdə qərarlaşıb. Ramilə Yusubova (63 kq) isə 350 xalla 23-cüdür.
Bütün xəbərlər Facebook səhifəmizdə
USD
EUR
GBP
RUB
