\"Qarabağ\" klubu qış fasiləsində
sıralarını yetərincə genişləndirdi. Siasport.az saytı xəbər verir ki, komandaya yeni qoşulan futbolçulardan
Bojan Pavloviç \"Gəncə\" ilə oyunda ilk rəsmi oyununa çıxdı. 24 yaşlı qolkiper
komandanın 6-cı ardıcıl qələbəsinə əla oyunuyla töhfə verdi. Xüsusilə, serbiyalı
qolkiperin son dəqiqələrdəki \"seyv\"i xoş sözlərə layiqdi. Bojan ilk oyunu və ümumiyyətlə, \"Qarabağ\" haqqında belə deyib: \"Təbii ki, ilk oyun
olduğuna görə bir qədər həyəcan vardı. Amma bu o demək deyilki özümə
inanmırdım. Zənnimcə, ilk oyunumda pis durmadım. \"Seyv\"lərə gəlincə, qapıçının
əsas işi qol buraxmamaqdır. Mən də öz işimi görmüşəm. İlk oyunda qapını
toxunulmaz saxladığıma görə şadam. Komandamızın qələbəsi də çox vacib idi. Axı,
meydanın vəziyyəti heç də ideal deyildi. İndi qarşıda \"Turan\"la oyun var. Rəqib
alt sıralarda qərarlaşsa da bilirəm ki, kubokda onlara məğlub olmuşuq. Ona görə
də təhlükəli rəqibə qarşı diqqətli olmalıyıq. Bu oyunda da qələbə qazanıb final
mərhələsinə yaxşı əhval-ruhiyyədə başlamaq istəyirik\".
Bütün xəbərlər Facebook səhifəmizdə
USD
EUR
GBP
RUB