"Qarabağ"ın "Gəncə" ilə oyunu bir sıra məqamlara görə zəngin olub. Siasport.az saytı xəbər verir ki, təxminən 5 illik fasilədən sonra yenidən qərb zonasının mərkəzində oyuna çıxan komanda Premyer Liqada 6 oyunluq qələbə seriyası da "tutmuş" oldu. Digər maraqlı bir məqam da komandanın heyətində Rəşad Sadiqovun rəsmi oyunda ilk dəfə kapitan kimi meydana çıxması oldu. Artıq 2 ildir "Qarabağ"da çıxış edən 27 yaşlı yarımmüdafiəçi klubun rəsmi saytına fikirlərini bildirib: "Belə baxanda təəccüblü olmadı. Hələ Antalyada keçirilən təlim-məşq toplanışı zamanı yoxlama oyunlarında kapitan kimi meydana çıxmışdım. Belə böyük camiədə kapitan olmaq qürurverici hissdir. İndi məsuliyyətim daha da artıb. Məcburam ki, oyunlara 2 qat motivasiya ilə çıxım. Kapitan kimi ilk oyunumuzda qələbə qazanmağımız təbii ki, xoş duyğudur".
Bütün xəbərlər Facebook səhifəmizdə
USD
EUR
GBP
RUB