Azərbaycan Premyer Liqasının XXI turunun AZAL-la oyununda daha 2 futbolçu "Xəzər Lənkəran"ın heyətində debüt etdi. Siasport.az saytının məlumatına görə, klubun rəsmi saytında yayımlanan statistikadan məlum olur ki, Kosmin Fransinesku və İbrahima Banqura karyeralarında ilk dəfə cənub təmsilçisinin formasında meydana çıxdı. Bu matçadək klubn tarixi ərzində 121 oyunçuya bu nəsib olmuşdu. Debütantların sayəsində bu rəqəm 123-ə çatdı. 2011-ci ilin ilk 2 oyunu ərzində debütantların ümumi sayı 10 oldu. Belə ki, Simao Bruno, Andrey Mureşan, Adrian Pit, Hristu Kiaku, Adrian Skarlatake, Julius Vobay, Elnur Abdullayev, Aleksandr Pitsurka "Neftçi" ilə ötən turun matçında debüt etmişdilər.
Son 2 debütantın hər ikisi legionerdir. Bu isə o deməkdir ki, "Xəzər Lənkəran"ın 7 illik tarixi ərzində güvəndiyi əcnəbilərin sayı 72 oldu. Belə ki, "təyyarəçilər"lə qarşılaşmayadək 70 legioner bunu bacarmışdı. Bu "cütlük"dən Kosmin Rumıniya, İbrahima isə Qvineya təmsilçisidir. Frasinesku öz ölkəsinin komandadakı 15-ci futbolçusudur ki, bu göstəricidə Rumıniya aşkar liderdir. İlk qvineyalı kimi klubun tarixinə düşən Banqura isə ümumilikdə 5-ci afrikalıdır. Onun təmsilçisi olduğu Qvineya isə komandaya oyunçu verən 27-ci xarici ölkə oldu: Rumıniya – 15, Türkiyə - 9, Braziliya – 8, Belarus, Serbiya – hərəsi 5, Bolqarıstan - 4, Albaniya, Gürcüstan, Kolumbiya Portuqaliya, Litva – hərəsi 2, Çexiya, Estoniya, Fransa, Honduras, İsveç, Kot d’ivuar, Moldova, Nigeriya, Qana, Rusiya, Slovakiya, Argentina, Kosta-Rika, Latviya, Syerra-Leone, Qvineya – hərəsi 1.
Bütün xəbərlər Facebook səhifəmizdə
.jpg "Azərbaycan hədəfə niyə çevrilir?")
USD
EUR
GBP
RUB
