Transfer müddəti ərzində bir neçə leqioner futbolçunu heyyətinə
cəlb edən "Muğan"ın son transferi İsveçli Con Pelu oldu. 29 yaşlı
forvard kariyerası boyu İsveç alsveskanında və Norveç tippeliqianenində
keçirib. Futbolçu habelə 2008/2009 mövsümlərində Norveçin "Rosenborq" klubunda
çıxış edib. Son mövsümdə Norveçin "Hauqsand" klubunda çıxış edən futbolçu 2011-ci
ildən etibarən il yarım ərzində "Muğan"ın şərəfini qoruyacaq. Sözügüdən
futbolçu İsveçin gənclərdən ibarət yığma komandalarında yer almış və doğulduğu
Burkina Fasonun A milli yığma komandasına dəvət almasına baxmayaraq, İsveçdəki
kariyerası ilə bağlı bir sıra obyektiv səbəblərdən milli yığma komandaya
qatıla bilməyib. Ölkəmizdə ilk dəfə olan Con öz təəsüratlarını klubun rəsmi saytı ilə bölüşüb: "Ölkəniz çox gözəldir. Azərbaycana gəldikdən sonra Bakını bir
qədər gəzdim və paytaxtınızı çox bəyəndim. Mənim üçün bu ölkədə futbol oynamaq
çox xoş olacaq. Buranın insanları həqiqətən çox qonaqpərvərdir. Şənbə günü
iştirak etdiyim oyun məndə futbolunuz haqda müsbət təəsürat oyatdı. Həqiqətən
həyəcan dolu bir oyun baş tutdu. Məncə, Muğan çox əzmkar oyun nümayiş
etdirdi. Hətta hesabda önə keçmək şanslarımız da az olmadı. Lakin, düşünürəm
ki, nəticəni qənaətbəxş hesab etmək olar. İndi əsas məqsədimiz növbəti oyuna hazırlıqdır.
Bütün xəbərlər Facebook səhifəmizdə
USD
EUR
GBP
RUB