Quti: “Bir gün “Real Madrid”ə dönəcəm”

16 Fevral 2011 09:36 | 724

İstanbulun "Beşiktaş" futbol klubunda top qovan Quti Fernandez gözəl İstanbul ab-havasında yenə doğma vətəninin xiffətini çəkir. Siasport.az saytı xəbər verir ki, ispaniyalı futbol ulduzu ölkəsində yayımlanan "Kadenaser" radiosunda Jose Ramon de la Morena adlı jurnalistin \'\'El Larguero\'\' proqramına qatılaraq bir sıra suallara aydınlıq gətirib. Quti bildirib ki, 14 ildən çox bir müddətdə futbolçu həyatı yaşadığı İspaniyanın "Real Madrid" kubunda yenidən çıxış etmək istəyindədir və bunu arzulayır. Amma bu dəfə futbolçu kimi deyil, məşqçi kimi fəaliyyət göstərmək istəyir. Kral kubunun baş meneceri Jorge Valdano ilə görüşüb bu barədə danışıqlar apardığını dilə gətirən ulduz futolçu bildirib ki, "Real"ın gənclərdən ibarət klubunda baş məşqçi kimi çıxış etmək və təcrübəsini gənclərə öyrətmək istəyir. Futbolu buraxandan sonra ilk işinin məşqçiliyə başlamaq olacağını dilə gətirən ispaniyalı futbol ulduzu bildirib ki, məşqçi kimi kral klubuna daha çox xeyir verə bilər. O, "Bir gün "Real Madrid"ə dönəcəm",-deyə əlavə edib.

WhatsApp-da Səs Media Qrupu kanalını izləyin