AFFA-nın intizam Komitəsinin iclası keçirilib. Siasport.az saytı iclasda qəbul olunmuş qərarları nəzərinizə çatdırır:
12 fevral 2011-ci il tarixində XIX Azəbaycan Premyer Liqasının XX turunun "Bakı" – "Muğan" matçında "Bakı" klubunun 4 futbolçusu sarı vərəqə ilə cəzalandığı üçün klub 1000 (min) manat cərimə olunur(maddə 40).
11 fevral 2011-ci il tarixində XIX Azəbaycan Premyer Liqasında çıxış edən klubların əvəzedici heyətlərinin XX turunun MOİK – "Turan" matçının 40-cı dəqiqəsində "Turan" klubunun 7 №-li futbolçusu Cavid Tağıyev kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanır, klub 1000 (min) manat cərimə olunur (maddə 37.1).
11 fevral 2011-ci il tarixində XIX Azəbaycan Premyer Liqasında çıxış edən klubların əvəzedici heyətlərinin XX turunun "İnter" – "Simurq" matçında "İnter" klubunun 5 futbolçusu sarı vərəqə ilə cəzalandığı üçün klub 500 (beş yüz) manat cərimə olunur (maddə 40). Matçın 62-ci dəqiqəsində "Simurq" klubunun 13 №-li futbolçusu Elçin Süleymanov hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır, klub 2000 (iki min) manat cərimə olunur (maddə 42.3).
12 fevral 2011-ci il tarixində I divizionun XIV turunun "Şuşa" – "MKT-Araz" matçında "MKT-Araz" klubunun 4 futbolçusu sarı vərəqə ilə cəzalandığı üçün klub 100 (yüz) manat cərimə olunur (maddə 40).
12 fevral 2011-ci il tarixində I divizionun XIV turunun "Göyəzən" – "Bakılı" matçının 79-cu dəqiqəsində "Bakılı" klubunun 8 №-li futbolçusu Samir Quliyev əllə oyuna görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 20 (iyirmi) manat cərimə olunur (maddə 48). Oyun başa çatdıqdan sonra "Bakılı" klubunun baş məşqçisi Elçin Həsənov geniş kütlə qarşısında AFFA və PFL-in nümayəndələrinin ünvanına nalayiq ifadlər işlətmiş, oyun hakimlərinə hədə-qorxu gəlmiş və onları təhqir etmişdir. Bu səbəbdən də adıçəkilən şəxs 17 oyunluq cəzalanır, klub 2650 (iki min altı yüz əlli) manat məbləğində cərimə olunur (maddə 83, maddə 44.2, maddə 42.4, maddə 35).
13 fevral 2011-ci il tarixində I divizionun XIV turunun "Energetik" – "Neftçi" İSM matçında hər iki klubun 4 futbolçusu sarı vərəqə ilə cəzalandığı üçün hər iki klub 100 (yüz) manat cərimə olunur (maddə 40).
8 fevral 2011-ci il tarixində "Azercell U-17 Liqa"nın MOİK – AZAL matçında MOİK klubu iştirak etmədiyi üçün 0:3 hesablı texniki məğlubiyyət verilir (maddə 57).
8 fevral 2011-ci il tarixində "Azercell U-17 Liqa"nın "Simurq" – "Xəzər Lənkəran" matçının 79-cu dəqiqəsində "Simurq" klubunun 8 №-li futbolçusu Roini İsmayılov əllə oyuna görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48). Oyun başa çatdıqdan sonra "Xəzər-Lənkəran" klubunun 17 №-li futbolçusu Turqut Hüseynzadə hakimləri təhqir etdiyinə görə futbolçu 4 oyunluq cəzalanır (maddə 42.3).
8 fevral 2011-ci il tarixində "Azercell U-17 Liqa"nın "Qəbələ" – "Qarabağ" matçının 58-ci dəqiqəsində "Qəbələ" klubunun 16 №-li futbolçusu Bəhram Mehdizadə hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır (maddə 42.3).
9 fevral 2011-ci il tarixində "Kapital Bank U -15 Liqa"nın "Muğan" – "MKT-Araz" matçında "MKT-Araz" klubu iştirak etmədiyi üçün 0:3 hesablı texniki məğlubiyyət verilir (maddə 57).
9 fevral 2011-ci il "Kapital Bank U -15 Liqa"nın "Gəncə" – "Simurq" matçında "Simurq" klubu iştirak etmədiyi üçün 0:3 hesablı texniki məğlubiyyət verilir (maddə 57).
13 fevral 2011-ci il tarixində futzal üzrə I dəstənin "Olimpik Star" – "İnteqral" matçının 35-ci dəqiqəsində "İnteqral" klubunun 4 №-li futzalçısı Kristofer Okeman hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futzalçı 4 oyunluq cəzalanır (maddə 42.3).
13 fevral 2011-ci il tarixində futzal üzrə I dəstənin "Neftçi" – "Evro ABM" matçında "Evro ABM" klubu iştirak etmədiyi üçün 0:5 hesablı texniki məğlubiyyət verilir (maddə 57).
Bütün xəbərlər Facebook səhifəmizdə
USD
EUR
GBP
RUB