Fransada təşkil olunan futbol üzrə Avropa çempionatında qrup mərhələsinin oyunları davam edir. Bu gün D qrupunda bir oyun keçirilib.
Parisdə Türkiyə millisi Xorvatiya ilə üz-üzə gəlib. Luka Modriçin yeganə qolu ilə Xorvatiya qələbə qazanıb.
Qeyd edək ki, qrupun digər oyunu İspaniya - Çexiya matçı sabah keçiriləcək.
Xatırladaq ki, Türkiyə və Xorvatiya yığmaları 2008-ci ildə keçirilən Avropa çempionatının 1/4 finalında üz-üzə gəlib. Həmin matçın 119-cu dəqiqəsində xorvatlar hesabı açsa da, bir dəqiqə sonra Türkiyə millisi Semih Şəntürklə bərabərlik qolunu vurub. Penaltilərdə daha dəqiq oynayan Fatih Terimin komandası yarımfinala yüksəlib.
D qrupu
17:00. Türkiyə - Xorvatiya - 0:1
Qol: Luka Modriç, 41
Baş hakim: Yonas Eriksson
Yan xətt hakimləri: Matias Klasenius və Daniel Varnmark
Əlavə köməkçi-hakimlər: Stefan Yohanesson və Markus Strömberqsson (hamısı İsveç)
Paris. "Park de Prins" stadionu.
| N | Komandalar | O | Q | H | M | T-F | X |
| 1 | Xorvatiya | 1 | 1 | 0 | 0 | 1-0 | 3 |
| 2 | Türkiyə | 1 | 0 | 0 | 1 | 0-1 | 0 |
| 3 | İspaniya | 0 | 0 | 0 | 0 | 0-0 | 0 |
| 4 | Çexiya | 0 | 0 | 0 | 0 | 0-0 | 0 |
Bütün xəbərlər Facebook səhifəmizdə
USD
EUR
GBP
RUB