Litvanın Panevejis şəhərində şahmat festivalı davam edir. Festivalın proqramına qrossmeyster və usta balları normaları ilə turnirlər, habelə üç open turnir daxildir. İştirakçılar arasında Azərbaycan təmsilçiləri – beynəlxalq qrossmeyster Azər Mirzəyev və FIDE ustası Rüstəm Bünyadov da var.
Qrossmeyster turnirində yeddi turdan sonra 6 xal toplamış Polşa təmsilçisi Marsel Kanarek liderlik edir. Azərbaycanlı qrossmeyster Azər Mirzəyev və rusiyalı Sergey Matsenko ondan 1,5 xal geri qalırlar.
Beynəlxalq usta normasını nəzərdə tutan turnirdə Titas Stremaviçyus 7 mümkün xaldan 6,5 xal toplayaraq vaxtından əvvəl qalib gəlib. Azərbaycanın ikinci təmsilçisi Rüstəm Bünyadov bu turnirdə 3 xal ilə yeddinci olub.
Bütün xəbərlər Facebook səhifəmizdə
USD
EUR
GBP
RUB