Tbilisidə cüdo üzrə Dünya Kubokunun son günündə tatami üzərinə 10 Azərbaycan cüdoçusu çıxıb. Siasport.az saytı xəbər verir ki, ilk gündən fərqli olaraq, son gün cüdoçularımızın qələbə sayının bir-qədər çox olması ilə yadda qalıb. Belə ki, 81kq çəki dərəcəsində mübarizə aparan 4 cüdoçumuzdan yalnız Elxan Rəcəbli, 90kq-da isə 3 cüdoçumuzdan yalnız Ramin Qurbanov medal qazanmaq şansı əldə ediblər.
Təəssüf ki, Dünya Kubokunun son günündə də yığmamızın digər lider üzvləri ilk qarşılaşmadaca məğlubiyyət acısı dadıblar.
Beləliklə, 29-30 yanvar 2011-ci il tarixdə Gürcüstanın Tbilisi şəhərində keçirilmiş ilin ilk Dünya Kubokunda Azərbaycan milli yığma komandası İlqar Müşkiyevin (-60kq) qızıl, Elxan Rəcəblinin (-81kq) isə bürünc medalı, eləcə də Ramin Qurbanovun (-90kq) 5-ci və Sain Məmmədovun isə (-100kq) 7-ci yeri sayəsində 22 komanda arasında Rusiya (2-1-5), Gürcüstan (2-1-1), Ukrayna (1-2-2) və Qazaxstan (1-1-1) millilərindən sonra 5-ci yeri tutub. Bu nəticə ilə komandamız Belorusiya və Macarıstan, eləcə də Ermənistan, Latviya, Türkiyə və İsrail komandalarını ümumkomanda hesabında qabaqlaya bilib.
Tbilisi-2011 Dünya Kubokunda Azərbaycan cüdoçularına ümumilikdə cəmi 37 dəfə tatami üzərinə çıxmaq nəsib olub ki, 22 cüdoçumuz birgə səyləri sayəsində 14 qələbə qazana bilib. Çıxışların 23-ü isə məğlubiyyətlə nəticələnib.
1. Müşkiyev İlqar (-60kq) 4 görüş – 4 qələbə – 0 məğlubiyyət 1-ci yer
2. Rəcəbli Elxan (-81kq) 5 görüş – 4 qələbə – 1 məğlubiyyət 3-cü yer
3. Qurbanov Ramin (-90kq) 4 görüş – 2 qələbə – 2 məğlubiyyət 5-ci yer
4. Məmmədov Sain (-100kq) 4 görüş – 2 qələbə – 2 məğlubiyyət 7-ci yer
5. Şirinli Vüqar (-60kq) 2 görüş – 1 qələbə – 1 məğlubiyyət yersiz
6. Həsənov Emil (-66kq) 2 görüş – 1 qələbə – 1 məğlubiyyət yersiz
7. Əsədullayev Rasim (-60kq) 1 görüş – 0 qələbə – 1 məğlubiyyət yersiz
8. Xələfov Asim (-60kq) 1 görüş – 0 qələbə – 1 məğlubiyyət yersiz
9. Dadaşzadə Samir (-66kq) 1 görüş – 0 qələbə – 1 məğlubiyyət yersiz
10. Orucov Rüstəm (-66kq) 1 görüş – 0 qələbə – 1 məğlubiyyət yersiz
11. Mövlamov Rauf (-66kq) 1 görüş – 0 qələbə – 1 məğlubiyyət yersiz
12. Qasımov Ramil (-73kq) 1 görüş – 0 qələbə – 1 məğlubiyyət yersiz
13. Əhmədli Elvin (-73kq) 1 görüş – 0 qələbə – 1 məğlubiyyət yersiz
14. Babayev Nadir (-73kq) 1 görüş – 0 qələbə – 1 məğlubiyyət yersiz
15. Mirzəliyev Renat (-73kq) 1 görüş – 0 qələbə – 1 məğlubiyyət yersiz
16. Rzazadə Seymur (-81kq) 1 görüş – 0 qələbə – 1 məğlubiyyət yersiz
17. Səfquliyev Tural (-81kq) 1 görüş – 0 qələbə – 1 məğlubiyyət yersiz
18. Alimli Rüstəm (-81kq) 1 görüş – 0 qələbə – 1 məğlubiyyət yersiz
19. Qəhərmanov Şahin (-90kq)1 görüş – 0 qələbə – 1 məğlubiyyət yersiz
20. Nağıyev Kənan (-90kq) 1 görüş – 0 qələbə – 1 məğlubiyyət yersiz
21. Hüseynov Emil (-100kq) 1 görüş – 0 qələbə – 1 məğlubiyyət yersiz
Bütün xəbərlər Facebook səhifəmizdə
USD
EUR
GBP
RUB