Hava və Ekstremal İdman
Növləri Federasiyası Azərbaycan Respublikası Gənclər və İdman Nazirliyi ilə
birlikdə 28-30 yanvar 2011-ci il tarixlərində Qusar
rayonunun Ləzə kəndi yaxınlığındakı donmuş şəlalələrdə Buzadırmanma üzrə
Açıq Azərbaycan Çempionatını keçirəcək. Siasport.az saytı xəbər verir ki, çempionata
Rusiya Federasiyasının, Türkiyə və Ukrayna Respublikalarının idmançılarının
qatılacağı gözlənilir.
Qeyd edək ki, ölkəmizdə bu kimi yarışların keçirilməsi gələcəkdə
idmançılarımızın buzadırmanma texnikasını təkmilləşdirməyə, müxtəlif ölkələrin
bu sahədə təcrübələrini öyrənməyə, eyni zamanda beynəlxalq alpinizm,
qayayadırmanma və buzadırmanma təşkilatları ilə federasiyanın əlaqələrinin daha
da genişləndirilməsinə və yarışların beynəlxalq tələblər səviyyəsində
keçirilməsinə şərait yaradacaq.
Yarışda Azərbaycan Hava və
Ekstremal İdman Növləri Federasiyasının "Dağ hazırlığı məktəbi", Respublika
Alpinist Turist Klubu, Bakıdan "Ekosport", "A+A", "Climb-club", "Bakı Dövlət
Universiteti", Memarlıq və İnşaat Universitetinin "Edelveys", "Qərb
Universitetinin idman klubu", Azərbaycan Turizm İnstitutunun "AMEAST", Qusardan
"Salavat", "Qusar" və "Zirvə", İsmayıllıdan "Babadağ" klublarının 60 nəfərə yaxın idmançısı iştirak
edəcək.
2 turdan ibarət yarışın 29
yanvar 2011-ci il tarixində keçiriləcək I mərhələsində
idmançılar mürəkkkəblik üzrə, 30 yanvar 2011-ci il tarixində keçiriləcək
II mərhələsində isə sürət üzrə özlərini sınayacaq.
Qeyd edək ki, Buzadırmanma
üzrə Açıq Azərbaycan Çempionatını idarə edəcək 20 nəfərlik hakimlər heyətinə keçən
il Rusiyanın Kirov şəhərində Beynəlxalq Dağçılıq Federasiyası (UIAA) tərəfindən
keçirilən seminarlarda müvafiq UIAA hakim-aspirantı dərəcəsini almış Nəcəfova
Yevgeniya və Əsədov Yaqub tərəfindən təlim keçirilib.
Bütün xəbərlər Facebook səhifəmizdə
USD
EUR
GBP
RUB