Tiyaqo Motta Zlatan İbrahimoviçi layiqli əvəzləyə bilən futbolçu tapılacağını düşünmür. PSG-nin yarımmüdafiəçisi Tiyaqo Motta komanda ilə yollarını ayıran Zlatan İbrahimoviçi layiqli əvəzləyə bilən futbolçu tapılacağını düşünmür.
İtaliya millisinin üzvü Ronaldo və Neymarın da bu tapşırığın öhdəsindən gəlməyə qadir olmadığı qənaətindədir.
XəzərXəbər xəbər verir ki, "Gazzetta dello Sport"a açıqlamasında Motta bunları deyib: "Ronaldo və Neymar məşhur futbolçulardır. Hər biri komandasında aparıcı rola malikdir. Amma, görəsən, onlar təkbaşına liderlik edə bilərlər? İbrahimoviç bunu yerinə yetirirdi. Belə olmasa, onları transfer etməklə riskə yol verə bilərik. Eyni zamanda hücumda liderlik funksiyasını Kavani öhdəsinə götürə bilər. Ümid edirəm, bunun öhdəsindən gələcək".
Bütün xəbərlər Facebook səhifəmizdə
USD
EUR
GBP
RUB