Bu gün
İstanbulun "Qalatasaray" futbol klubunun yeni stadionu olan "Türk
Telekom Arena"nın açılış mərasimi keçiriləcək. Siasport.az saytı xəbər verir
ki, yeni stadionun açılış mərasimində Türkiyənin baş naziri Rəcəb Tayyib Ərdoğan
da iştirak edəcək. Türkiyənin rəsmi mediya
orqanları və "Qalatasaray"ın rəsmi saytı da baş nazirin açılışda iştirakını
təsdiq edən məlumatlar yayıblar. Baş
nazirin bugünkü açılışa qatılmasına səbəb verən amillərdən biri də bu stadionun
inşasında onun da əməyinin olmasıdır.
Xatırladaq ki, İstanbul klubunun prezidenti
Adnan Polat da dəfələrlə öz çıxışlarında bildirib ki,
yeni stdaionun tikilib inşa edilməsində baş nazir R.T.Ərdoğanın böyük əməyi
var. Artıq tam əminliklə demək olar ki, baş nazir bu gün öz yeni stadionlarına
qovuşan "Qalatasaray" tərəfdarları ilə bir arada olacaq. Bu sözsüz ki
"Fənərbaxça" tərəfdarları üçün yaxşı
xəbər sayılmaz.
Qeyd edək ki, "Türk Telekom Arena" qapılarını tərəfdarlarının üzünə
bu gün Bakı vaxtı ilə 16:00-da açacaq.
Bütün xəbərlər Facebook səhifəmizdə
USD
EUR
GBP
RUB