Avropanın bir çox aparıcı klubları yenə də qazandıqlarından daha
çox xərcləyirlər. Siasport.az saytı xəbər verir ki, UEFA-nın baş katibi Canni İnfantino əgər
bu vəziyyət dəyişməsə, yaxın vaxtlarda belə komandaların tezliklə Avropa kubokları turnirlərindən
kənarlaşdırılacaqlarını açıqlayıb. Onun sözlərinə görə, əgər indi Avropa
kubokları yarışlarında iştirak edəcək komandalar seçilsəydi, UEFA prezidenti Mişel
Platininin "feyr-pley" maliyyə konsepsiyası çərçivəsində elan etdiyi yeni qaydalara
uyğun olaraq, 11 klub Çempionlar Liqası və Avropa Liqası yarışlarına buraxılmazdı.
Yeni reqlamentə görə, indən belə klublar qazandıqlarından çox xərcləyə bilməyəcəklər.
Klubların maliyyə hesabatlarına borclar və bütün işçilərin əmək haqqı da daxil ediləcək.
Gələn yaydan başlayaraq,
hər bir klub bütün borclarını tam vaxtında ödəməli olacaqlar. Proqram üç il müddətində mərhələ-mərhələ
həyata keçiriləcək. Əsas meyar - hökmən gəlirlə işləmək tələbi 2012-ci maliyyə ilinin
nəticələrinə görə qüvvəyə minəcək. Bu tələbə riayət etməyən klublara qarşı ilk sanksiyalar
2013/2014-cü illər mövsümündə tətbiq oluna bilər.
Bütün xəbərlər Facebook səhifəmizdə
USD
EUR
GBP
RUB