“Herkules” “Atletiko Madrid”ə futbol dərsi keçdi...

12 Yanvar 2011 15:37 | 862

"Herkules" "Atletiko Madrid"ə futbol dərsi keçdi...

İspaniya La Liqasında 18-ci həftənin bağlanış oyunları keçirilib. Siasport.az saytı xəbər verir ki, bu qarşılaşmalar çərçivəsində "Herkules" öz meydanında "Atletiko Madrid"i qəbul edərək Avroliqanın ilk sahibini 4-1 hesabı ilə məğlub edib.

Turnir cədvəlinin aşağı yerlərindən qurtulmaq istəyən "Herkules" yenidən Avropa kuboklarını hədəfləyən "Atletiko Madrid"ə futbol dərsi keçərək, ona bu iddiasının indiki halda çətin olduğunu göstərdi. Qarşılaşmaya böyük üstünlük və ardıcıl hücumlarla başlayan ev sahibi komanda, 11-ci dəqiqədə qol hesabını açıb. Bundan sonra elə ilk hissədəcə daha üç qol vuran "Herkules" futbolçuları rəqibin darmadağınını rəsmiləşdiriblər. Oyunun son dəqiqələrində isə qonaqların futbolçusu Reyes, bir təsəlli qolu vuraraq qarşılaşmada 4-1 hesablı nəticəni müəyyənləşdirib.

Bu nəticənin ardından xalını 22-yə çatdıran "Herkules",turnir cədvəlində 11-ci sıraya yüksəlib. 27 xala malik olan "Atletiko Madrid" isə La Liqada 6-cı sırada mövqe tutur.

WhatsApp-da Səs Media Qrupu kanalını izləyin