Neçə vaxtdır gözlədiyimiz an yetişdi. Nəhayət ki, fəaliyyətə başladıq. Çox sevinirəm. Çünki, doğma bildiyim, çalışdığım xəbər agentliyində (SİA) məhz mənim işlədiyim şöbənin daha geniş şəkildə fəaliyyəti üçün yeni idman agentliyi işə başladı. Sevincim isə əsas ona görədir ki, saytın fəaliyyətindəki idarə işlərində mənə də etimad olundu. Əminəm ki, yeni yaranmış idman agentliyi (SİA-nın nəzdində siasport.az idman agentliyi) oxucuların idman aləmində baş verənlərdən xəbər tutmalarına yaxından kömək edəcək. Yalnız futboldan yox, bütün idman aləmindən!
İdman
mediası və digər idman növləri
Elə mövzunu da bu istiqamətdə
dəyişməyə çalışırdım. İdman mediasında formalaşmış xəbər yayımlamaq artıq
oxucularımzda da elə bir təsəvvür yaradıb ki, sanki, ölkəmizdə futboldan başqa idman növü
yoxdur. Müasir aləmdə oxucular daha çox elektron informasiya vasitələrindən
istifadə edərək dünyada və ölkədə baş verən hadisələrdən xəbər tutmağa
çalışırlar. Azərbaycanın idman xəbərləri yayımlayan əksər KİV-ləri isə
futboldan başqa demək olar ki, heç bir idman növü barədə xəbər dərc etmirlər.
Hərdən-birdən dərc edəndə də, qısa və lokanik, başdangetdi bir məlumat
yazırlar. Bu isə həmin növlərin inkişafına mane olan əsas səbəblərdən biridir.
KİV rəhbərlərindən soruşanda
oxucunun marağının futbola olduğunu bildirirlər. Yaxşı, bəs digər idman
növlərini kim təbliğ, tənqid etməlidir? Onları ictimaiyyətə kim tanıtmalıdır?
Hansı media? Niyə Azərbaycanda heç nəyə nail olmamış futbolçunu hamı tanıyır,
ancaq Dünya, Avropa çempionu olmuş digər idman növlərinin nümayəndələrini demək
olar ki, jurnalistlərdən başqa heç kim tanımır. Bunun əsas günahı isə məhz
cəmiyyətin əsas məlumat mənbəyi olan KİV-lərdədir.
Futbol
və digər idman növləri - hansı daha çətindir?
Bu qədər təbliğ olunan futbolda
heç nə edə bilməsək də, medianın diqqətindən kənarda qalmış növlərdə Olimpiya,
Dünya və Avropa çempionlarımız, mükafatçılarımız var. Futbolda isə A milli
komandamız heç bir beynəlxalq yarışda yer tuta bilmir. Yox, düz yazmadım,
nəinki yer tutmaq, heç iştirak üçün şans da qazana bilmir. Bircə klublarımızdan
"Qarabağ" nə isə etmək istəyirdi, yenə sevincimiz yarıda qaldı. Əslində bu,
Azərbaycan futbolu üçün heç də kiçik hadisə deyildi, ancaq digər növlər kimi beynəlxalq
turnirin qalibi olmaq da deyil. Beynəlxlaq aləmdə (Belə demək olarsa)
yaşadığımız çempionluq bircə "Birlik Kuboku"idi ki, onu da ötən yarışda "Bakı"
klubunun transfer etdiyi bir qəpiyə dəyməyən futbolçular yaddaşımıza böyük və
qara hərflərlə həkk etdilər.
Futbol başbilənləri bunun
komanda idman növü olduğunu, burda nəticə əldə etməyin çətin olduğunu deyirlər.
Sizcə, voleybol komanda idman növü deyil? Sizcə milyonlarla pul xərclənən
futbolçuların işi güləşçilərdən, cüdoçulardan, karateçilərdən, boksçulardan,
kikboksçulardan və s. ağırdır? Sizcə, Olimpiya, Dünya və Avropa çempionlarının
zərbələrinə tab gətirmək ağırdır, yoxsa bir-iki pas ötürüb, topa zərbə vurmaq? Sizcə,
rinqdə nəhəng və güclü idmançıya qalib gəlmək üçün döyüşçü hazırlamaq asandır,
yoxsa qucaqla pul müqabilində futbol klublarında taktika hazırlayan baş məqşçi
işləmək. Niyə bu qədər çətin olan növlərdə nəticə var, futbolda yoxdur?!
Özəl
şirkətlərin marağı
Azərbaycanda dövlət tərəfindən
idmana göstərilən diqqət və qayğını görməmək həqiqətən də korluq deməkdir.
Yazılarımda dəflərlə özəl şirkətlərin, iş adamlarının da bu prosesə
qoşulmasının vacibliyindən söz açmışam, ancaq Azərbaycan, Azərbaycan idmanı
naminə, şəxsi mənafe naminə yox!
Azərbaycan idmanı naminə belə
işlər görən özəl qurumlar çox azdır. Olanlar da yalnız öz mənafeyini, yəni
reklamlarını düşünməkdən başqa bir şey bilmirlər.
Burada ortaya sual çıxır, niyə böyük
şirkətlər Azərbaycanda ölkəmizə hər yarışdan medallarla qayıdan bir çox idman növlərinə
sponsorluq etmirlər? Niyə digər idman növü ilə məşğul olan, hər yarışda
himnimizi səsləndirib, bayrağımızı qaldıran idamçılarımızın ölkəmizdə
tanıdılmasına yardımçı olmurlar? Niyə həmin idman növlərinin federasiyalarına yarışların
təşkilində, beynəlxalq turnirlərə getməkdə köməklik göstərmirlər?
Bunların
bir cavabı var: Çünki həmin idman növlərinin Azərbaycanda güclü reklam verə
biləcək mühiti yoxdur.
Aydındındır ki, sponsor öz reklamını əsas tutur. Bəs milli
hisslərimiz... Bunu niyə unuduruq axı. Yəni milyonlarla pulu olan bir şirkətin
Azərbaycanın inkişaf etməmiş federasiyalarının (Federasiyaların inkişaf ilə, idmançıları qarışdımayaq. İdmançılar
yüksək nailiyyətlər göstərirlər, amma federasiyalar maliyyə cəhətdən
zəifdirlər) birinə təmənnasız sponsorluq etməsinə gücü çatmır?!
Futboldakı da elə cəmiyyətdəkidir
Azərbaycan Premyer Liqasına sponsorluq
edən "Unibank" Kommersiya Bankı
Hər
ay seçdikləri 1-2 ay geçikmiş "ayın futbolçusu" nominasiyası isə futboldan daha
çox bankın reklamı üçün yararlı olur.
Digər bir neçə banklar və böyük
şirkətlər də futbol klublarına və AFFA-ya sponsorluq edirlər. Sponsorluq
etmələri təbii ki, yaxşı haldır, amma bu işləri bir az da digər növlərə
ayırsalar, orada əldə olacaq nəticələri görmək heç də çətin deyil.
Sponsorların qeyri-populyar idman növlərinə də cəlb olunması üçün isə Azərbaycanda bu idman növlərinin güclü reklam mühiti, yəni azarkeş kütləviliyi yaranmalıdır. Bunun əsas yaradıcısı isə məhz media orqanlarıdır. Yenə hər şey gəldi məhz bizim (jurnalistlərin) üstümüzdə tamalandı. Qələminiz güclü olsun, hörmətli həmkarlarım (Daha doğrusu kompyuterinizin klaviaturası)!
Bütün xəbərlər Facebook səhifəmizdə
USD
EUR
GBP
RUB